Iñigo Urkullu Eikan izan da kooperatibaren 50. urteurrenaren harira
Iñigo Urkullu Eikan izan da kooperatibaren 50. urteurrenaren harira
Bertan, eta arduradunen aurrean, kooperatiba honek unerik zailenetan erakutsitako "adorea" nabarmendu zuen lehendakariak.
Etxebarriako (Bizkaia) kooperatibako errektoreekin izandako bileran, Iñigo Urkulluk euskal kooperatibismoa defendatu du, “arrakasta eta lehiakortasun eredu gisa”.
Iñigo Urkullu Eikako instalazioetan izan zen joan den ostiralean, Etxebarrian. Lehendakariak euskal kooperatiba-sistema defendatu zuen enpresa lehiakorrak lortzeko eredu arrakastatsu gisa, 2023an 50 urte bete dituen Eika kooperatibari egin zion bisitan. Ekonomiaren Garapen, Iraunkortasun eta Ingurumeneko sailburu Arantxa Tapiarekin batera, Lehendakaria eta gainerako gonbidatuak Lea-Artibai eskualdeko emakumeei lan-aukera bat eskaintzeko sortu zen enpresa honen instalazioetan izan ziren.
Bisitan, eta arduradunen aurrean, kooperatiba honek unerik zailenetan erakutsitako “adorea” nabarmendu zuen lehendakariak, “auzolanaren” adibide gisa jarriz. Lan partekatuaren bidez bakarrik aurrera egin eta sendotu ahal izango dela euskal industria-ehuna, “lehiakortasuna eta ongizatea” batuz.
“Gure konpromisoa – esan zuen – kolektiboa da eta hala izan behar du”. Lorpen horren adibide gisa, nabarmendu zuen Euskadik % 7ko langabezia-tasarekin itxi zuela iazko laugarren hiruhilekoa, azken 15 urteetako tasarik txikienarekin. “Lorpen kolektiboa eta lankidetzatik lan egiten jarraitzeko beste arrazoi bat”, nabarmendu zuen.
